KIYIN TOKAJ, "Así se siembra", Náhuatl de Cuentepec, Morelos

copiado de INSTITUTO LINGÜÍSTICO DE VERANO  http://www.sil.org

Kiyin tokaj 


Nikan Kuentepek tokaj okpa ipan se xijpan: Tokaj 
kuak xopantla uan kuak yotlakis. 
Tokaj miyejkan ipan nin tlamemelmej uan ka 
itenko nin tlapechmej.  Ipan nin tlalmej kampa nin tokaj 
intokaj:  Tlalpatlako, Tlalasokiapan, Tlajtenakastle, 
Tlajtekale, Tzakualtzinko, Axalpan, Atoyak uan miyejkan 
oksekin.   

Kuak tokaj ka xopantla, kachto tlamachtiaj.  
Kimachtiaj sente kuakue non ayemo kimate tekitis, itech 
kimachtiaj oksente kuakue non ikimate tekitis.  Iteuan 
kektlaliaj non serka kampa tokaskej.  Kimpatiliaj non 
kuajtokmej kampa non yotzimpalankej.  Iteuan 
tlapojpouaj, kitlamachtlaliaj non uakuauitl uan satepan 
kitlatiaj. 
Kitokaj tlayole.  Nin tlayole motoka yejyeye uan 
ka tlauejka kana tlajko maitl.  Kitokaj yetl.  Nin yetl 
keman iuan kitokaj non tlayole.  Kuak kitokaj non tlayole 
san kitlajkalej uan kitlalpachouaj ika non imikxej.  Kitokaj 
tlalkakauatl.  Kampa kitokaj tlalkakauatl, nochipa kachto 
kikaxaniaj non tlale.  Inin kache san nitlak motokane ke 
non yetl. 

Kuak yokitokakej non tlayole, kachto kikauaj ma 
ueya kana tlajko kuarta uan satepan peua kitlaluiaj.  
Keman kuak kitlaluiaj, kitemiliaj non abono, uan keman 
satepan.  Uan kuak kache iueyak, okse uelta kitlaluiaj.  
Kikuitiaj kokpauiaj.  Ompa okse uelta kitemiliaj abono.  
Uan sa ijua inin ika ueya uan ika mochiua. 
Nin tlalkakauatl amo motemiliane abono, mas 
sijkiyon okpa motlaluiane. 
Kiyin tokaj nikan Kuentepek. 
Este libro trata acerca de lo que se hace antes 
de sembrar, y cómo se siembra el maíz, el frijol 
y el cacahuate
Kiyin tokaj 
Así se siembra Kiyin tokaj 
Así se siembra 
Náhuatl de Cuentepec, Morelos 
Segunda edición
(versión electrónica) 
Autor: Andrés Domínguez Marquina 
Asesora lingüística: Elke Müller 
Publicado por el 
Instituto Lingüístico de Verano, A.C. 
Apartado postal 22067 
14000 Tlalpan, D.F., México 
Tel. 5-573-2024  
2005 
www.sil.org/mexico/nahuatl/morelos/L027-AsiSiembra-NHM.htm 
  Primera edición 2004 1C 
   Segunda edición 2005 (versión electrónica) 
© 2005 por el Instituto Lingüístico de Verano, A.C.  
Derechos reservados conforme a la ley.   
Esta obra puede reproducirse para fines no lucrativos.